အမျှင်ဓာတ်၏ အကျိုးကျေးဇူးများ

အမျှင်ဓာတ်၏ အကျိုးကျေးဇူးများနှင့်အမျှင်ဓာတ်ကြွယ်ဝသော အစားအစာများ

လူ့ခန္ဓာကိုယ်မှာ အစာချေဖျက်မှု စနစ်အတွက် မရှိမဖြစ်လိုအပ်တဲ့ ဓာတ်တစ်မျိုး ထဲမှာ အမျှင်ဓာတ်လည်း ပါဝင်ပါတယ်။

အမျှင်ဓာတ်အမျိုးအစား ၂မျိုး

• ရေမှာပျော်ဝင်တဲ့ အမျှင်ဓာတ်(Soluble Fiber) -ဥပမာ ပန်းသီး၊သစ်တော်သီး၊ ကောက်ပဲသီးနှံအမျိုးမျိုး၊ ဂျုံ၊ မုယောစပါး၊ ပေါင်မုန့်ညို စသည်ဖြင့်)
• ရေမှာမပျော်ဝင်တဲ့ အမျှင်ဓာတ်(Insoluble fiber)-ဥပမာ ဟင်းသီးဟင်းရွက်၊အခွံမာအသီး များ စသည်ဖြင့်)
• ရေမှာမပျော်ဝင်တဲ့ အမျှင်ဓာတ် မှာမှ Fermented Fiber လို့ခေါ်တဲ့ ဟင်းသီးဟင်းရွက်များကို အချဥ်ဖောက်ထားတဲ့ အမျှင်ဓာတ် တို့လည်း ပါဝင်ပါတယ်။

 

အမျှင်ဓာတ်ကြွယ်ဝတဲ့ အစားအစာများ

• ကောက်ပဲသီးနှံ(cereals)၊အုတ်ဂျုံ (oats)၊မုယောစပါး၊ရိုင်းစပါး( rye) စသည်တို့မှ ထွက်သော ဆန်လုံးညို ၊ ပေါင်မုန့်ညို၊ pasta ကဲ့သို့ အီတလီခေါက်ဆွဲခြောက်များ။
• ဘယ်ရီသီးအမျိုးမျိုး။
• သစ်တော်သီး။
• ပန်းသီး။
• ဖရဲသီး။
• လိမ္မော်သီး။
• ထောပတ်သီး။
• ဘရိုကိုလီ( broccoli)။
• မုန်လာဥနီ။
• ပေါက်ပေါက်(popcorn)။
• ပဲလုံး၊ပဲသီးတောင့်၊ပဲစေ့အမျိုးမျိုး။
• အခွံမာအသီးများနှင့် အစေ့အဆံများ။
• အခွံပါသောအာလူး။
• သဖန်းသီးခြောက်၊ ဇီးသီးခြောက်၊ စွံပလွန်သီးခြောက် ကဲ့သို့သော အသီးခြောက်များ။
• လက်ဖက်။
• မုန်ညှင်းချဥ်၊မုန်လာချဥ်၊ကင်ချီ ကဲ့သို့ အချဥ်ဖောက်ထားသော ဟင်းသီးဟင်းရွက်များစတဲ့ အစားအစာတွေမှာ အမျှင်ဓာတ်ကြွယ်ဝတာကို တွေ့ရှိရပါတယ်။

 

လူ့ခန္ဓာကိုယ်အတွက် နေ့စဥ် အမျှင်ဓာတ် ဘယ်လောက်ပမာဏ လိုအပ်လဲ

• ကလေးငယ်  ၄နှစ်မှ ၈နှစ် >> 18grams
• ကောင်ကလေး ၉နှစ်မှ ၁၈နှစ်>> 24-28grams
• အမျိုးသား ၁၉နှစ်မှ ၅၀အောက်>> 31-38grams
• မိနိးကလေး ၉နှစ်မှ ၁၈နှစ်>> 20-22grams
• အမျိုးသမီး ၁၉နှစ်မှ ၅၀အောက်>> 21-25grams

 

အမျှင်ဓာတ်လုံလောက်စွာစားပေးခြင်းဖြင့်ရရှိနိုင်မည့်အကျိုးကျေးဇူးများ

• ဝမ်းချုပ်ခြင်းမှကာကွယ်ပေးနိုင်ခြင်း။
• အူလှိုင်းလှုပ်ရှားမှု ပုံမမှန်ခြင်းကိုထိန်းချုပ်ပေးနိုင်ခြင်း။
• အူနံရံမှာအသားပိုထွက်ခြင်းကြောင့် ဝမ်း တွင်သွေးပါခြင်း ကိုသက်သာစေခြင်း။
• သွေးတွင်းမကောင်းတဲ့အဆီဓာတ်ထွက်ခြင်းကိုလျော့ချပေးသောကြောင့် နှလုံးရောဂါ အမျိုးမျိုးမှကာကွယ်ပေးနိုင်ခြင်း။
• အချို့သောကင်ဆာရောဂါများကို ကာကွယ်နိုင်ခြင်း။
• Glucose Level ကို ထိန်းညှိပေးသောကြောင့် ဆီးချိုရောဂါ​ဖြစ်ပွားခြင်းမှ ကာကွယ်ပေးနိုင်ခြင်း။
• အစားစားချင်စိတ်ကို ထိန်းပေးသောကြောင့် ဝိတ်ချရာတွင် အသုံးပြုနိုင်ခြင်း။

 

သတိပြုရန်အချက်များ

• အစားအစာများကို blander ဖြင့်ကြိတ်ပါက အမျှင်ဓာတ် ပါဝင်မှုနှုန်းလျော့ကျစေသောကြောင့် အသီးအတိုင်းစားပါ။
• အမျှင်ဓာတ်ကြွယ်ဝသော အစားအစာများစားပြီးတိုင်း ရေကိုလုံလုံလောက်လောက် သောက်ပါ။
• အမျှင်ဓာတ် ဓာတ်ကြွယ်ဝတဲ့ အစားအစာတွေ အများကြီးစားမိတဲ့အခါ
• အစာမကြေခြင်း
• လေပွခြင်း
• ဝမ်းပျက်ခြင်း
• ဝမ်းချုပ်ခြင်း
• ဗိုက်ကြွက်သားတက်ခြင်း စတာတွေလည်း ဖြစ်တတ်တာမို့ နေ့စဥ်လိုအပ်သော ပမာဏကိုသာ စားသုံးသင့်ပါတယ်။

#ဝင့်ဝါအောင်တိုင်းရင်းဆေးဝါးထုတ်လုပ်ရေး

#ကျန်းမာခြင်းသည်လာဘ်တစ်ပါးဝင့်ဝါအောင်ကိုဆောင်လို့ထား

#ကိုယ်စိတ်နှစ်ဖြာကျန်းမာချမ်းသာကြပါစေ

#အမျှင်ဓာတ်